شوفوا أحلى مطاعم مدينة صور

عطلة نهاية الاسبوع قربت وإذا عبالكن تنزلو صوب الجنوب، مننصحكن تزورا واحد من هل المطاعم المهضومة بصور لأن الأكل عندن لا يعلى علي.

1. لو فينيسيان

مطعم كتير مرتب بصور بقدم أطيب مأكولات لبنانية وبحرية. المنظر كتير حلو وبطل على شط صور.

الرقم: 177 499 01

2. تافولينو

إذا عبالكن جو مختلف مع شوية موسيقى ورقص ومشروب هل محل مثالي. المطبخ الإيطالي عندن ولا أطيب من هيك!

الرقم: 135 740 07

3. ذا بلو لاين

إذا عبالك أكلة سمك غير شكل، ما رح تلاقوها غير هون. كل شي فريش وبيجي على صحنك ضغري والجو على طول ولعان.

الرقم: 675 134 03

4. دار الما

هل المحل بياخد جمالو وألوانو من بحر صور. أكلو كتير طيب وأكتر شي مشهور في الترويقة البلدية.

الرقم: 082 740 07

5. حرتقجي

قعدة حرتقجي لبنانية على الأصول يعني مشاوي وتبولة وكبة وبطلطا حرة. ولأنك بصور المأكولات البحرية بتجي بالمكيول. في شي ضروري تجربوا: فراكة الملسة بالكبة نية.

الرقم: 053 073 81

6. بامبو

محبي السوشي إلن حصة كمان عند بامبو لأن رح يلاقو تشكيلة كبيرة من القطع و أشهى أطباق المطبخ الياباني والفيتنامي.

الرقم: 236 477 71

7. سيسيليا

بيتميز هل مطعم بأجواء ساحرة ومريحة والأحلى من هيك إنو متخصص بالمطبخ الإيطالي والياباني بنفس الوقت.

الرقم: 613 345 07

8. الجواد

مطعم بقدم أطيب المأكولات اللبنانية والعالمية والحلويات مع قعدة مهضومة. الكمية عندو بتعبيلك بطنك!

الرقم: 766 345 07