تحدي أطيب شاورما بلبنان: ١٠ ساندويشات ضروري تجربوهون بأقرب وقت

ما في أطيب من الشاورما مع توم زيادة وكباية بيبسي! إحساس ما بينوصف.

ولأن حب الشاورما ما بيخلص، قررنا نخبركن عن ١٠ محلات شاورما بلبنان بيعملوا شي غير شكل.

1. مطعم روك، جبيل

الشاورما بتجي طرية مع خس وتوم متل لقمة البيت.

2. سبايسد أند سبلايسد، حمرا

هل شاورما فيها نكهة جديدة قوية ضروري تجربوها.

3. مخلوف، جونية/الدورة

كتير طيبة وبتجي إكسترا توم، ولتدلل حالك منيح ما تنسى تطلب صحن بطاطا مقرمشة على جنب.

4. جوزيف، سن الفيل

لا يعلى علي أكيد. جرب هل مرة الشاورما لحمة مع إكسترا طرطور.

5. جبور، الدورة

بس تقرر تجي، جرب تكون بكير لأن ضغري بيخلصوا. الشاورما عندو طرية وبتنعصر بالتوم والخضرة بالتم. يام يام.

6. الغزاوي، عايشة بكار

كتير طيبين الساندويشات عندن وأكتر شي الشاورما لحمة.

7. مانو، برج حمود

ضروري تجربوا هل إختراع الغريب على الطريقة الأرمنية: شاورما سجق مع كتير توم وبطاطا.

8. ديوان بيروت، أشرفية/أنطلياس

الساندويش عندن بتمليلك بطنك على الآخر ونصيحة جرب الحمص بطحينة مع الشاورما. مش رح تندم أكيد!

9. سناك الإستاذ، كافة الفروعة

هل محل رب الشاورما دجاج.

شوفوا بهل فيديو كيف بيعملوا أطيب طربوش مع زيادة توم. كل هل شي رح يسيل بتمك!

10. بوبوف، أشرفية

الشاورما عندو كتير طيبة وبضل يتفنن ويعمل وصفات جديدة.