سافر بلبنان: قضى نهار بكاملو بإهدن

بهل وقت الطقس مثالي لهيك مشوار! عملوا كزدورة على الشمال وقضوا أحلى لحظات الخريف بإهدن.

1. قهوة تشرين

تيحرز المشوار على إهدن، ضروري تفيق بكير وتبلش نهارك مظبوط بأطيب ترويقة من عند قهوة تشرين. الترويقة بتفتح النفس: مناقيش، حمص، سندويشات، بيض بسجق، فطر بجبنة وغزل البنات وكل شي محضر بحب وحنان.

2. محمية حرش إهدن

بعد ما عبيت بطنك منيح، صار فيك تبلش نهارك بحركة وأول شي ممكن تزورو هوي حرش إهدن وتعمل هايك طويلة وتتفرج على ألوان الخريف.

3. كنيسة مار ميما

هل كنيسة يقال إنها أقدم كنيسة مارونية بلبنان تم تشييدا عام 749 على أنقاض معبد وثني مقدوني مهدى لإله الشمس. تأملوا الحجارة الضخمة والمنظر الحلو وعيشوا لحظات صمت وصلاة.

4. ساحة الميدان

روح تمشى بالساحة وتعرف على أهل الضيعة وروق أعصابك.

7. كافي عيروت

ضروري بس تجي على إهدن تجرب أطيب سحلب مع كمون وكعك وبسكويت من عند عيروت.

5. سيدة الحصن

بس تخلص زور هل كنيسة لي بتطل على الشمال كلو، إهدن، بشري وعكار. عم تتخايلوا المنظر؟

6. بيت ستي

صار وقت الغدا، ولأن ما في أطيب من الكبة الزغرتاوية، لازم تجرب كبة بيت ستي: الكبة النية، كبة القراص، الكبة بشحمة، والكبة بالصينية… رح دوب من الريحة!

7. قصر الكوبرا

قصر الكوبرا بيحمل بحيطانو تاريخ إهدن القديم والحديث وكل شي بيناتن. عاش في يوسف بيك كرم وشخصيات كتير معروفة. بنظمو أحياناً في حفلات ومناسبات وندوات علمية. الحجارة في بتحكي.

8. فيرتي

بعد الغدا، ما في أطيب من الشوكولا! عند فيرتي في تشكيلة كتير كبيرة. نصيحة تعوا بعد ما تهضموا لتجروا كل الطعمات.

9. بار فو

ختامها مسك عند بار فو. الطقس هون مثالي لتروقوا أعصابكن وتشربوا كاس! في أحلى من البرودات مع هيك غياب؟

10. كرز إهدن

إذا عبالكن تنامو بإهدن، هل بيت جاهز ليستقبلكن بأجمل الأجواء التراثية والريفية لتقضوا ليلة من العمر. هل مكان متل الخيال.