حرب الكلمات: إنتو شو بتقولوا؟

بيختلف اللفظ اللبناني من منطقة لمنطقة ومن ضيعة لضيعة وحتى الكلمات بتتغير، تعوا نعمل جولة صغيرة على أكتر الكلمات شعبية. 1- بركي/ بلكي أكيد بتختلف من منطقة لمنطقة. وفي كمان بركات هيدي يعني بركي بالجمع. 2- مي/موي أكيد ولاد كسروان وجبيل بقولوا موي. 3- هايك/ هيك أكيد ولاد بيروت بقولوا هيك. 4- حيط/ حايط نفس الخبرية. 5- ورق عنب/ ورق عريش ولاد الشمال موعدين على الورق عنب. 6- مجدرة/ مدردرة بيبقى هيدا الصراع لي ما بيخلص. 7- دَرة/ دُرة في ناس بتفكر دُرة كلاسي أكتر. 8- تبعي/ تاعيتي هيدي أشهر من أن تعرف، في ناس بقولوا تاعولي. 9- تبعولي/ تبعوني هني من متفرقات تبعي، بس كتير مهضومين. 10- تابروير/ توبروير وحتى في ناس بتقول تابرويل، عيش كتير بتشوف كتير. 11- لوبية/ لوبيا أكيد لوبية بتربح معنا. 12- معكرونة/ معكرونا ومعكرونة بتربح معنا، منعتذر من أهل الجنوب. 13- أُمَك/ إمَك إنت شو بتقول؟ 14- بصير هيك/ بصور يك هاي كتير بضحك: بصور. 15- خُبز/ خِبز بس في أهضم من خُبز. 16- أفيش/ مافي وكمان في ناس بتقول أفيي. 17- إسا/ بعد إذا بدنا نحط إسا على الخريطة، بتصير من طرابلس وطلوع. 18- أيمتا/ أمتين قدي نحنا مهضومين؟ 19- خالاتك/ خيليتَك أياها بتقولوا إنتو؟ 20- جوعان/ جيعان إيام بتطلع معي جيعان. 21- لهيقة/ شكلو وأنا بقول التنين. 22- رح/ لح رح إبكي. 23- ملعقة/ معلقة ملعقة الصح. 24- ركاية/ تكاية أو مخدة. 25- شحاطة/ مشاية بس كمان في ناس بتقول شحَيْطة. 26- نبريش/ نربيش بس أنا بقول نربيج. 27- نبسطت/ مبسطت بس ما كنا نعرف شو الفرق بين المناطق. 28- لي/ لَيش وفي ناس بقولو لَي. 29- هيي هون/ يحوي هون وفي ناس بتقول يحو هون. 30- مش هيك/ منا هيك بالشمال بقولوا مَو هايك ومَي هايك. 31- شفاطة/ قحاطة مين بقول قحاطة؟ 32- كرتيلة/ ترتيلة وفي ناس بتقول عرتيلي. 33- أعمل/سَوي إنتو شو بتقولوا؟ 34- زوجي/ جوزي حدا غيري بتزعجوا كلمة زوجي؟ 35- بديش/ ما بدي ولاد جبيل والشمال ولا أهضم بس يقولوا بديش. 36- تلاتة/ كلاتة وهاي أهضم وحدة. نسينا شي؟ خبرونا بخانة التعليقات.