لمحبي الكرسبي والبطاطا المقلية، هيدا المحل الكن

أوقات كتير عبالنا شي بقرمش وبشبع، والفستق ما بكفي. محبي الكرسبي أكيد رح يفهموا هل عذاب! في محل كتير طيب ببدارو بيعمل أطيب كرسبي ممكن تجربوا بحياتكن، ونحنا اكيدين إنو رح يصير محلكن المفضل.

تعرفوا على “Chicks a Lot“، يلي مستلمينها خبراء الكرسبي والأكلات الخبيصة يلي شوفتها لحالها بتكسر الرجيم!

أطيب شي ممكن تجربوا عند هيدا المحل هو ال-“ديرتي فرايز”، وهني عبارة عن بطاطا مقلية فوقها قطع كرسبي مقرمشة مع أطيب صوص، جبنة دايبة، وهالبينو لشعطة حر غير شكل.

ومحبي البرغر مع كرسبي رح يرجع عالبيت كتير مبسوط بعد ما يدوك البرغر من عندن! جربوا ال-“جوسي مانجو برغر”. دجاج مقلي مغطس بالباربكيو وصوص على مانجو كتير مميز!

ويلي بكون محب الكرسبي على أصولها، فيك تطلب صحن كرسبي عل حال ويغتصها بالصوص المفضل عندو.

أسعار “تشكس ألوت” كتير مقبولة، وكل فترة بيعملوا عروضات غير شكل!

زوروهم عل إنستغرام للمزيد!