شاورما تركية على الأصول ومأكولات إيرانية فاخرة من عند هيدا المحل

عبالكن تجربوا نوع جديد من الأكل؟ توجهوا على كاكو دونير بكفرشيما لي بيعمل أطيب المأكولات الإيرانية والشاورما التركية بالمنطقة.

سندويش البطاطا التركي ولا ألذ بتجي محشاية خضرة ومعمولة بأطيب خبزة.

أما الشاورما التركية، شي فاخر على الآخر بتجي ملغومة بالخضرة ومحمصة بأطيب خبز واللحمة شقف بتجنن.

وفي عندن كمان شاورما دجاج بالتنور إكسترا توم وشاورما لحمة بالتنور إكسترا طراطور بتاكل صابيعك وراهن.

أما بالنسبة للمأكولات الإيرانية، رح تاكلوا شي مش دايقينوا بحياتكن.

مين عبالوا مشاوي؟ بقدم المطعم العديد من الأطباق الإيرانية التقليدية متل وجبة الكباب باريه، لي هي عبارة عن كباب قطع لحم ضان مع البصل المتبل بالزعفران وزيت الزيتون والبندورة المشوية وطبق الكباب السلطاني لي بيجي معطر بعبق البصل والنعنع والعديد من الأطباق الأخرى الشهية واللذيذة، بالإضافة إلى السندويشات واللحوم بمختلف أنواعها.