١٠ مجاملات مبطنة بتسمعهن كل بنت لبنانية

البنت اللبنانية بتسمع بالنهار ألف مجاملة ومجاملة، لكنّ الأغلبية بيكونوا مبطنين بيحملوا ألف معنى ومعنى بس أكيد غير المباركة.

1- ياي وظفوكي؟ والله والله! ألف مبروك!

المقصود: أكيد ما بتستاهلي تتوظفي ومين مفكرة حالك؟ بس مجبور إلك مبروك.

2- كتير بحب إنو ما بهمك شو العالم بتحكي عنك.

المقصود: كل العالم بتحكي عليكي (أنا أول الناس) ولازم تعرفي يا غبية.

3- ياريت فيي إضهر وإهتم بشكلي متلك وإطلع هل قد حلوي

المقصود: ولو كيف بتضهري هيك، متل لي رايح على عرس.

4- واو، بتعرفي إنغليزي منيح بس ما عم إفهم عليكي شي

المقصود: أوكي يا رَوحي، فهنما إنك بتعرفي تحكي إنغليزي.

5- برافو عليكي، والله إنك قوية، منك هينة

المقصود: العمى، روقي شوي.

6- اسمالله، وجك شو حلو بلا مكياج، يا ريت أنا هيك

المقصود: تغزلي فيي أنا كمان.

7- شو إلك جلد تعملي مكياج كل يوم، أنا ما فيي

المقصود: أنا أحلى منك ومني بحاجة لمكياج متلك.

8- واو شو طالعة حلوة اليوم، شو عاملي رجيم؟

المقصود: غريب كيف منك طالعة ناصحة اليوم، بدي أعرف السرّ لإبقى أعملو.

9- شعرك ليس بيلبقلك أكتر من الكرلي

المقصود: بس يكون شعرك على طبيعتو، ما بيكون حلو.

10- شو بتشبهي إمك بس منخارك لبيك

المقصود: منخارك بشع متل بيك!