كوزي كورنر: مخيم ومنتزه رائع بأحضان تنورين

يلي عبالوا يروق حالو هل أسبوع، في محل اسمو “كوزي كورنر” ببالوع بلعا بتنورين بياخد العقل: هل محل بيجمع أحلى قعدة وأهضم خدمة.

إذا حابين تعملوا جمعة حلوة مع العيلة أو مع الأصحاب والأحباب، هل محل مثالي لتغيروا جو وتستمتعوا بالبرودات. عند “كوزي كورنر” فيكن تخيموا أو تقضوا نهار بطولو أو تسهروا أحلى سهرة حد النار وبأحضان الطبيعة الشمالية الساحرة.

والنومة عندن كتير رواق، ما إلك غير تجيب خيمتك وغراضك الشخصية وتستمتع بالمنظر الحلو والطبيعة الساحرة.

وما في أحلى من الصباح بالشمال، بقلب الطبيعة وبأحضان الوديان والشجر: تخايلوا حالكن عم تشربوا قهوة وقت الشروق والهوا عم بنسم.

هل محل بيستحق زيارتكن!

للإستعلام والحجز: 883 905 03