استأجروا شاليهات وفلل بالليرة اللبنانية على هيدا التطبيق الجديد

عبالك تقضي عطلة حلوة بلبنان من دون ما تعتل هم الدفع والدولار؟

“LBNB” تطبيق مجاني بيوصلك بأجمل المحلات وأحلى القاعدات بكبسة زر.

مع “LBNB” صار فيك تكتشف لبنان وتزور كل زاوية من دون ما تتعذب، كل شي بيوصل لعندك، إنت بس نقي اختار، أحلى مزار وأكيد بتلاقي بأحلى الأسعار.

كيف بتصير الحجوزات؟

بتنزل التطبيق، بتعبي معلوماتك الشخصية لي بتبقى محفوظة بطريقة سرية وبتختار المكان لي بناسبك والسعر لي بناسبك وبتحجز بعد ما تتأكد من كل التفاصيل. يعني الشغلة كلها على بعضها ما بدا أكتر من خمس دقايق! والحلو إنو مش بس بتشوف صور وبتتعرف على المكان وعدد الغرف، حتى إنو في وصف دقيق للبيت ومحيطو والنشاطات لي فيك تعملها بوقت رحلتك. إختراع كتير حلو!

وإذا عندك بيت وحابب تستفيد، الحل عند “LBNB” موجود. فيك تعرض بيتك أو خيمتك للأجار وهيك يستفيد والناس بتستفيد! أكيد كل المعاملات بتصير أونلاين إنت ومرتاح ببيتك وبالليرة اللبنانية إلا إذا كنت قاعد برا وحابب تدفع بالدولار!

تطبيق مميز ومبادرة حلوة كتير وخرج تجربوا!