٢٢ شغلة بقولا اللبناني وشو بيقصد

لحتى تقدر تحكي مع لبناني، بدك تفهم بالظبط شو عم يوصلك.

١. من وين حضرتك؟

= شو دينك/طائفتك؟

٢. وين ساكن؟

= عنجد شو دينك/طائفتك؟

٣. من أية عائلة؟

= بعدني ما عرفت شو دينك/طائفتك

٤. شو بتشتغل؟

= بدي أعرف شو وضعك المادي

٥. اه يعني بالإدارة أو كيف؟

= فيني عوزك لواسطة؟

٦. مبسوطة معن؟

= بقبضوا منيح؟

٧. إسم الله كيف صايرة!

= نصحانة

٨. مغيرة

= نصحانة

٩. جايي صحتك

= نصحانة

١٠. عم تعملي دايت؟

= نصحانة

١١. كتير انشغلت هالفترة

= خطبت/تزوجت وبدي تسألني عن الموضوع

١٢. تركت الشغل ما كنت مبسوط

= زعبوني

١٣. تركت حتى إفتح لحالي ويصير عندي زبوناتي

= زعبوني

١٤. تركت كتير وسخين الجماعة

= زعبوني

١٥. أنا فاتحة بزنس لحالي

= قاعدة بلا شغل

١٦. عم فكر اعمل ماسترز

= قاعد بلا شغل

١٧. عم بشتغل مع بابا

= بيدفعلي بس قاعد بلا شغل

١٨. سيارتي بالكراج فيك تمرق ورايي؟

= ما بدي عبي بنزين

١٩. سيارتي مع أهلي فيك تمرق ورايي؟

= ما بدي إدفع فاليه

٢٠. فيي آخد سيجارة؟

= فيي آخد عشرة؟

٢١. خليها علينا

= بليز ما تخليها علينا

٢٢. ابني الأول بصفه

= ابني حمار وعايد السنة