تعرفوا على أطيب محل كبة زغرتاوية بإهدن!

مين فينا مش مغروم بالكبة الزغرتاوية؟ كيف إذا كانت هل كبة شغل بيت على طريقة “التيتا”.

“بيت ستي” بشارع المغتربين بإهدن دايماً جاهز يستقبلكن وخاصةً إذا جايين من محل بعيد.

“بيت ستي” معروف بإنو بقدم أطيب كبة من إيدين “التيتا” المغمسة بلقمة حب وأكيد غيرها من الأطباق اللبنانية الشهية.

كبة “بيت ستي” معمولة بطريقة شمالية على الأصول: محشية لحمة، حبق طازج، بصل، برغل، قرفة، ملح، صنوبر، مكسرات، زيت نباتي، سبع بهارات وغير مقادير سرية بتخلي الكبة تصير تحفة وأكيد ما حدا بيعرفها غيرن. وما في شك القعدة ما بتحلى بدون كاس عرق وجاط تبولة!

“بيت ستي” متل بيت كل ست وجد بيحمل أحلى حكايات وخبريات.

ومتل ما بقول المتل: خود الكبة وقعاد قبالها وإذا جعت كول من جمالها! كيف إذا كانت هل كبة زغرتاوية!

شوفوا صفحتن على انستغرام أو تواصلوا معن عبر رقم 528 428 81