١٠ إشيا رح يفهمها كل شخص كسرواني

شو يعني تكون من كسروان؟ كسروان وأهلها أكيد بالقلب بس كمان في قصص ما بتقطع بس بضل مهضومة ولو كانت مجنونة، كم وحدة قاطعة معكن؟

1- الكسرواني بيحكي كتير يعني الصبحية على الكسرواني بتبلش الصبح وربكن عليم أي ساعة بتخلص هاي إذا خلصت على خير!

2- بالنسبة للكسرواني منطقتوا أجمل منطقة مش بس بلبنان وبالعالم كمان: كسروان أجمل منطقة بالدني، لو بتبرم السند والهند مش رح تلاقي متلا! شايف لبنان كلو؟ إي نحنا أحسن شي بلبنان.

3- الكسروانيي معودين على السهر وشم الهوا، حتى نهار الأربعا بنص الجمعة بتضل الشوارع معباية: وين السهرة الليلة؟ بجونية أكيد!

4- الكسرواني بيعتبر كل شي بعد “تونيل نهر الكلب” بلد تاني وكل مشوار على بيروت مش بس بدو وقفة بالطابور، بدو همة يا شرشور!

5- الكسرواني ما بحب الغربيي، يعني إذا كنت من برات كسروان وجايي تزور المنطقة: انتبه على حالك!

6- هلق صح هني جماعة “كلاس” بس جرب علاق معن بتشوف “الكلاس” كيف بكون على أصولو: قلنانلك انتبه على حالك!

7- عندن كلمات وألفاظ ما حدا غيرن بيفهم عليها حتى هني إيام ما بيفهمو على حالن: “شاشما”، “”لكفت جعزت وعبس”، “تعا بجاي أروحي”…

8- وقت النوم بعض الضهر مقدس عند أهل كسروان، يعني إذا كنت مفكر تزورون ببيتهم بهيدا الوقت، نصيحة أخوية: نسيا وبقوة!

9- ما تفكر اذا ظمتت من أول عزيمة، رح تظمت من التانية وإذا ما عجبك الأكل ما تفكر للحظة إنك تعبر وتحكي: في قصص إذا منحكيا منندم عليا كل حياتنا وهي وحدة منن!

10- رغم كل شي بيبقو أهل كسروان من أطيب وأهضم الناس: خليلنا ياكن يا رب!