١٢ حجة فيكي تستعمليها لما بدك تتركي صاحبك

كيف تقولي لصاحبك إنو بطل صاحبك بلا ما نجرح ال-ego (عم نمزح أكيد رح ينجرح عالحالتين ويطلع الحق عليكي).

١. حجة درسك

حياتي لما يقبلوني بالسوربون ما رح تزبط ال-long distance relationship، خلينا ننهيا هلأ.

٢. أهلي عم يسمعوني حكي

وإنت ما بدك تزعلي أهلك. بس هو مفكر إنو امك بعد ناطرتو عالقهوة.

٣. حطيها بوضع البلد.

صراحة علاقتك مش مستقرة أكتر من البلد.

٤. وضع الدولار ما بطمن

ما في صيفية بقبرص ما في نحنا.

٥. كورونا

ما بدك تعرضي ستك للخطر (لو إليك سنة مش رايحة لا عندها).

٦. الكوكب والمجرات

بين النهار و التاني بتصيري تأمني ب mercury retrograde. أصلاً هو برج حوت وانتي دلو، مش ظابطة.

٧. كتير مشغولة بمتابعة البيانات يلي عم تصدر من مصرف لبنان.

عم تخرب البلد مش فاضيتلك.