٧ مطاعم بحضن أجمل شلالات بلبنان

مافي أجمل من القعدة مع صوت مي جارية. لبنان بيتمتع بأجمل شلالات ممكن تزوروها، وفي ناس قررت تفتح مطاعم بقدموا أكل لبناني غير شكل لتنبسطوا بهالتجربة الخيالية.

١. شلالات الزرقا، بعقلين

أطيب قعدة مع منظر الشلال، في أهل من هيك؟ وكمان يلي عباله يكون رومانسي، في قارب صغير بنص النهر لتستمتع بعشا غير شكل مع حبيبك.

٢. مطعم شلالات نبع مرشد، الشوف

مشوار خرج العيلة! هيدا المحل المميز حلو خلال كل المواسم. عندن قعدة جوا وبرا دغري جنب الشلال!

٣. مطعم الشلالات، عكار

يلي رايح صوب عكار ضروري يزور هالمطعم! بموسم الصيفية القعدة بتجنن، وإذا قررتوا تروح لما يبرد الطقس، عندن قعدة كتير مريحة جنب مدخنة!

٤. مطعم الشلوف، جزين

هيدا المطعم بيتميز عن غيره. بدل ما تكون القعدة جنب الشلال، عملوا المطعم فوقه! بتتمتع بمنظر الطبيعة وبدل فيك تسمع صوت الشلال.

٥. جنة النهرين، رشميا

هيدا المحل إسم ع مسمى، لأنو عنجد جنة. أكلن كتير مميز والقعدة غير شكل!

٦. هوتيل ومطعم شلالات الباروك، باروك

هوتيل مع غرف كتير مرتبة ومميزة، وفيكن تتمتعوا بترويقة لبنانية جنب المي الجارية!

٧. مطعم الشلال، جزين

كتير في مطاعم بجزين جنب الشلالات المميزة هونيك. تخايلوا جمال هيك قعدة!