صفوف رياضة مجانية بشوارع جبيل!

بلدية جبيل تعاونت مع مركز اللياقة البدنية Vibe Fitness لتقديم صفوف رياضة مجانية بشوارع جبيل! بلشت الصفوف الجمعة الماضية، و رح يبقوا موجودين كل يوم خلال الأسبوع والويكند.

أجواء حلوة وحماسية بالهوا الطلق. في صفوف لكل الأعمار ونشاطات مختلفة بتشجعكن على الحركة بعد تقريباً سنة بالبيت. كتير حلو هالمشروع ليرجعنا على الحياة الشبه طبيعية، وهلأ صار عندكن عذر تزوروا منطقة جبيل!

بوكسينغ، يوغا، زومبا وحتى صفوف Hula Hoop! يلي صرلو سنين عبالو يمارس الرياضة بس بيكره النادي، مننصحكن تشاركوا!

هالمبادرة اجت بوقتا بعد سنة زربة بالبيت. تحركوا، تعرفوا على ناس جديدة وتسلوا بشوارع جبيل القديمة!

للمعلومات، فيكن تزوروا صفحة الإنستغرام.