بيت ضيافة مع نكهة مغربية بلبنان

بما إنو ما فينا نسافر هالسنة نظراً للأوضاع التعيسة، قررنا نسافر ببلدنا. هيدا بيت الضيافة رح ياخدكن عالمغرب بديكوره واجوائه المميزين. اتجهوا إلى منطقة ساقي ريشمايا، يعني 30 دقيقة من بيبلوس وبتوصلوا على Atlas Guesthouse. على إرتفاع 1200م بتنبسطوا بطقس صيفي حلو، وبالليل بتبوردوا.

الديكور مستوحي من تراث المغرب وفيكن تستمتعوا بالأجواء المغربية من الصبح لعشية. شربوا اتاي، شاي النعناع المغربي بالكبايات التقليدية أو اعملوا ركوة قهوة غير شكل.

مين عبالو قعدة عربية بامتياز تنبسط فيها إنت والعيلة؟

أحلى جزء من البيت هو الجدران الزرقا بالحديقة المستوحية من الموقع السياحي المغربي The Blue Pearl في شفشاون! هيدا أكتر شي بميز Atlas عن باقي بيوت الضيافة.

!تواصلوا معهن عبر الإنستغرام