صار الوقت تعملوا مشوار على جزيرة الرمكين قبالة سواحل طرابلس

أخيراً اجت الصيفية وصار فينا ننبسط بمشاوير البحر ونتمتع بالطقس الحلو. يلي زار طرابلس شي مرة بيعرف إنو تقريباً على بعد ٥ كم من الساحل في جزيرة الرامكين، وين فيكن تقضوا نهار حلو مع العيلة أو رفقاتكن بعيد عن همومكن.

مافي أجمل من ساحل طرابلس ومنظر المي النظيف لحالو بيبسط القلب. فيكن تتمشوا على المينا وتاكلوا أطيب كعك طرابلسي قبل ما تركبوا قارب صغير يوصلكن على الجزيرة.

الجزيرة منا كتير كبيرة بس عنجد بتحسوا حالكن بعدتوا عن همومكن لتقضوا نهار بجنن. المي كتير خرج سباحة وفيكن تكتشفوا الكهف الطبيعي يلي بيمرق تحت الجزيرة.

إذا ناويين تزوروا الجزيرة، شوفو معنا أجمل مواقع سياحية ضروري تزورها بطرابلس.