١٣ شغلة بتخلي كل لبناني يخاف من جمعات العيلة

في اشيا حلوة ب- جمعة العيلة، بس كمان في قصص ما بتقطع .

١. صفة السيارة

ولاد عمتك أخدوا المحلين تحت البناية يعني بدك تلاقي صفة عالطريق…وابرم.

٢. ما بتعرف شو بدك تلبس و ما عندك شي مكوي أصلاً

وإذا لبست جينس مخزق رح يتمسخرو عليك.

٣. بدك تذكرن شو بتدرس كل مرة

وبدن يسمعوك حكي كيف ما قررت تدرس طب.

٤. لما يسألوك عن حياتك العاطفية…

“في حدا هيك هيك؟”

٥. بعدن بقعدوك على طاولة الولاد

عنجد صرت فوق ال18.

٦. ولاد عمك بدن يلعبو على تلفونك بالقوة

٧. بتسمع نفس الأحاديث، وبنفس الترتيب كمان.

سياسة…مين طلق…إبن مين عم يشتغل بالكويت…وإعادة.

٨. مقارنة الوصفات – وتاتا بتختار أطيب وحدة

٩. بدك تضرب كاس كل شخص… كل تلت ساعة

١٠. عمك إذا شوب بيقعد بالفانيلا

منظر ما بيقطع

١١. عمك التاني سكر بكير ونايم بالسيجور

١٢. براقبوا صحنك وشو عم تاكل – أو شو ما أكلت تحديداً

“شو عامل رجيم؟”

١٣. بتفل بكير كرمال تتهرب من جلي الصحون

“إنت صرتي صبية لازم تساعدينا بالضب”