الحوش بالبقاع: بيت ضيافة ولا أحلى

تعرفوا على “الحوش” مزرعة وعقار بجنن تحول إلى دار ضيافة بسهل البقاع بمنطقة رياق الجميلة.

بهيدا المحل فيكن تستمتعوا بعدة انشطة متل رحلات المشي، ركوب الدراجات، ورش العمل الزراعية، وغيرها كتير.

بيوفر الحوش كمان نشاطات موسمية متل قطف المشمش والخوخ ومهرجان اللافندر بحزيران، حصاد البطاطا بتموز، قطف الزيتون ب تشرين، ومهرجان الورد ب ايار.

على المزرعة كمان رح تشوفوا جميع أنواع الحيوانات. عنجد مساحة فريدة من نوعها.

أما بالنسبة للنومة، فالبيت عنده 14 غرفة نضيفة ومميزة رح تخليكن تستمتعوا باحلى إقامة.

الأكل بالجنينة ولا أحلى، مع وجبة فطور ما إلها مثيل.

رح تتعرفوا على العديد من الاشخاص يلي بيشتغلوا على العقار، وتتعلموا منهن كتير.

بالصيف فيكن تستفيدوا من البيسين.

للمزيد من المعلومات: 110 911 03