فيكن تحضروا أجمل غروب للشمس بالبترون بهيدا المحل

مين فينا ما بحب يحضر غروب الشمس؟ لما السماء تغير ألوانها وتعكس الألوان على البحر، بصير المنظر مثل شي لوحة فنية.

طبعاً الغروب ما بينحضر إلا بأماكن مميزة لتقدروا تشوفوا كل تفصيل وتغيير عم بصير، كرمال هيك حبينا نشارككن مكان ممتاز لحضور غروب الشمس.

Titans هو محل مفتوح موجود على سطح مطعم بالبترون. بيتميز بديكوره والوانه يلي بيشبهوا شي قعدة باليونان.

كيف ما تبرموا بتشوفوا أبيض وأزرق، والمكان بطل على شط البترون يلي لحاله قصته قصة.

بتايتنز رح تحسوا حالكن بغير عالم وغير بلد. من القعدة للموسيقى للاجواء، عنجد تجربة كتير حلوة.

تأكدوا انكن تحجزوا بوقت غروب الشمس كرمال تشوفوا أكتر مشهد ساحر رح تشوفوا بحياتكن.