كيف فيكن تساعدوا أولادكن حتى يتأقلموا بعد إنفجار بيروت

أدى انفجار بيروت إلى تدمير المنازل والمباني بجميع أنحاء المدينة، ومعها تأثر كتار من الأطفال يلي تعرضوا للصدمة والخوف.

للاشخاص يلي عندهن ولاد عم يبين عليها إشارات صدمة، خوف، أو عدم إستقرار – هاي كم نصيحة يمكن تفيدكن:

استخدموا أنشطة تتضمن اللعب.

إذا في أشغال بالبيت، جربوا تلعبوا غميضة معهن حتى ما يحسوا بمدى عدم الاستقرار.

شجعوا أطفالكن على مشاركة مشاعرهم

وإسمعولهن منيح. ما تتجنبوا مشاعرهن، يمكن تظهر بشكل تاني

اسمحولهن يزعلوا

الأطفال متلنا، لازم تسمحولهن يعبروا عن زعلهن.

جربوا تقللوا يسمعوا اخبار أو يشوفوا صور الانفجار

حتى لو هيدا بيعني إنو انتو ما تحضروا أخبار، الصور والفيديوهات كتير بتأثر فيهن وبتسبب خوف.

تواصلوا مع مختص إذا لزم الأمر

في جمعيات عم تقدم دعم نفسي ومعنوي متل جمعية Embrace.