اهم الحرف الموجودة ببرج حمود

بدنا نعرفكن على حرف يدوية صنعت تاريخها وتناقلت بين الأجيال كلها، هالحرف طورها الأرمن واشتهرت فيها برج حمود وصارت معروفة بكل لبنان وأضافت نكهة خاصة على التراث والحرفيات اللبنانية.

هيدي الحرف الممزوجة بين الثقافة اللبنانية والأرمنية بعدها صامدة لليوم عمبتواجه العديد من المصاعب بسبب التطور التكنولوجي والإهمال الحكومي وانفتاح الأسواق العالمية يلي عمبتهددها بالإنقراض يوم بعد يوم للأسف.

هالحرف بتشكل مصدر رزق لكتير من العائلات يلي فنو حياتن بتصنيعها بشغف وحب وصارت مطلب للعديد من السواح ولكن الحرفيين عمبعانوا من زوالها وعمبحاولوا التمسك فيها وتطويرها قد ما بيقدروا.

والحل هو دعم الحرفيين ليكفوا المشوار يلي بلشوا الأجيال يلي سبقتهن حتى يحافظوا على تاريخ وجذور ثقافية امتدت من أرمينيا للبنان.

تعو نعرفكن على هالحرف اليدوية يلي بتجمع بين الفن والشغف والتراث.

النحت:

هالمنطقة اشتهرت بأنواع عديدة من النحت متل النحت على الشمع ونحت الفولاذ.

صناعة المجوهرات:

الأرمن مشهورين بحفر أجمل النقشات على قطع الذهب والفضة وتصميم أجمل المجوهرات.

صناعة الحقائب:

الحرفيين عميستعملوا عدد متنوع من الجلود والأقمشة لينتجوا أجمل الحقائب.

صناعة الأحذية:

رح تشوفوا ببرج حمود بعدد كبير من محلات تصنيع الأحذية يلي عمبواكبوا الموضة قدر المستطاع.

التطريز:

بحيسب الترجمة الأرمنية “مرعش” بتعني التطريز ومش غريب يكون في شارع ببرج حمود اسمو على اسم هالحرف المميزة يلي بتشتهر فيها برج حمود.

صناعة الخشب:

من أدوات المطبخ الخشبية للعديد من المنتوجات الخشبية موجودة بهالسوق.

صناعة المفاتيح:

هالحرفة معروفة كتير ببرج حمود

صناعة الآلات الموسيقية:

أكيد الأرمن مبدعين حتى بصناعة الآلات الموسيقية.