٧ من أشهر المسلسلات اللبنانية القديمة

لما نحكي عن المسلسلات اللبنانية ما فينا ما نذكر القديمة منها اللي نعرضت بفترة السبعينات والتمنينات هالفترة الذهبية يلي شهدت أروع المسلسلات الكوميدية والدرامية، هالمسلسلات القديمة البسيطة الرائعة بكت كتار وضحكت كتار من الناس وبعدها لهلئ بذكراتنا.

خلونا نتذكر أشهر المسلسلات اللبنانية القديمة:

١- ألو حياتي:

من أهم المسلسلات يلي نعرضت بالسبعينات من بطولة الثنائي الرومنسي الرائع هند أبي اللمع وعبد المجيد مجذوب، هيدا المسلسل انشهر كتير بالعبارة يلي رددها كل الناس “ألو حياتي”.

٢- أبو سليم الطبل وفرقته:

مسلسل لبناني كوميدي ضحك كتار من الناس وكانوا ينطرو لينسو همومن، هالمسلسل من بطولة صلاح التيزاني( أبو سليم)، أسعد النعسان، فهمان أبو الفهم، شكري شكرالله، درباس، وكتار غيرن وكان للمسلسل أكتر من اسم متل سيارة الجمعية، كل يوم حكاية.

٣- الدنيا هيك:

مسلسل لبناني كوميدي من تأليف الكاتب الراحل محمد شامل ومن أبرز شخصياته زمرد وعزيز ووردة وبلبل المزيكاتي وشويكار وكوكو وعلوش.

٤- عازف الليل:

هالمسلسل قصير مكون من ١٣ حلقة كانوا يحكو باللغة الفصحى من بطولة هند أبي اللمع وعبدالمجيد مجذوب، وكان يتميز بموسيقتو الرومنسية من تأليف الياس الرحباني.

٥- المعلمة والأستاذ:

مسلسل كوميدي ضحك كتار من الناس، من بطولة هند أبي اللمع وابراهيم مرعشلي بالإضافة لشخصيات كوميدية محفورة بذاكرة اللبنانية متل ليلى كرم، أماليا، أبو العبد البيروتي، عليا نمري، بيارو وغيرن.

٦- أربع مجانبن وبس:

مسلسل كوميدي من بطولة إيلي صنيفر وفيليب عقيقي وصلاح الدين مخللاتي وحنا معلوف.

٧- المشوار الطويل :

من بطولة شوشو والفنان الراحل حسن علاء الدين اللي مثل بكتير مسلسلات ومسرحيات وكان يضحك الكبير والصغير.