١٧ شغلة بيتذكرها جيل السبعينات بلبنان

جيل أحلى أيام بلبنان! كم شغلة بتتذكروا؟

١. النعومة كانت أطيب تحلاية، مع إنو كانت تخنق! 

٢. السحبة كانت عبارة عن بسكويت بقلبه كرابيج، واذا حظك حلو يكون في فرنك مخبى فيها

٣. الترويقة كانت كعك وحليب معظم الايام

٤. بدل البيبسي كنا نشرب جلول بنكهة التمر الهندي.

٥. كل إم كان عندها مكنة خياطة 

٦. بياع الكاز كان يمرق على الحصان ويزمر

٧. كنتوا تنطروا الكارتون كل يوم على الساعة ٤ على قناة لبنان 

٨. وكاسبر وميكي ماوس كانوا البرامج الوحيدة 

٩. التفاح المعلل!

١٠. بعدكن بتتذكروا صوت الببور

١١. لما نزل ساوند أوف ميوزيك بالسينما حضرتوا شي مئة مرة

١٢. كل رحلات المدرسة كانوا أو على عنجر أو قلعة بعلبك 

١٣. لعبتكن المفضلة كانت إكس!

١٤. الضهرة بعد ما تغيب الشمس كانت أكييييد ممنوعة. 

١٥. مريول المدرسة كان معمم على الكل

١٦. أهلكن كانوا يسمعوا إم كلثوم وتترجوهن ما يعيدوا الغنية

١٧. بعدكن بتحلموا بهيديك الأيام، وبتتذكروا قديش كانت حلوة المدينة، وكيف كانوا الناس طيبين مع بعض.