سمعتوا عن البيت الصغير عالبحر بالبترون؟

بما إنو الصيفية صارت عالبواب، عم نفتش ع احلا محلات عالبحر ممكن الواحد يروحا. ومنخبركن إنو لقينا المكان المناسب إلي أكيد حنضل نزوروا هيدا الموسم.

بوليرو بالبترون عندو حديقة واسعة بتطل على البحر. منظر رائع وقعدة بتجنن، بس هيدا مش كل شي. بقلب الحديقة الكبيرة ببوليرو، في بيت زغير متنقل، وفيكون تحجزوا لفترات قصيرة وتناموا هونيك.

البيت هو جزء من مشروع أسسوا إتنان إخوة لبنانية بعد ما سافروا العالم ورجعوا عبلدن بفكرة مهضومة. البيوت الصغيرة كتير صارت شائعة ببلاد برة لأنها بتوفر مصاري ومساحات، وشكلا كتير كتير حلو!

طلعوا زيارة عالبترون وشوفوا البيت الصغير بعينكن، وبطريقكن قضوا النهار ببوليرو!