١٥ شخصیة بتلاقوهن عالفيسبوك

قلي صدیقي: "شو هوي الفایسبوك؟ هوي متل شارع الحمرا، وواحد ماشي في والناس عم بتسلم علیه وتجكیه". جملتو خلتني، بالأول، بدون ما أقصد، إستعرض بذهني هالعالم یلي بلتقى فین بهالفضاء الإفتراضي، وهني كلن، أصلا أصلا، حقیقیین، من لحم ودم.

١- اللییك: بیستعرض النیوز فید على الموقع الأرزق وبحط لایك علإشیا یلي بحبا بدون تحفظات، بدون أحكام مسبقة، وبیتجنب الریاكشنز لیضل موضوعي.

٢- اللیكجة: عوزن نكتجي، نسونجي… أو خضرجي كندرجي… عندو هالشي متل خصلة بمارسا عن أبو جنب، عالطاعع والنازل. فیه أمرار یلیك قبل ما یقرا البوست كامل. عشوي منحسا مهنتو، بمارسا بشكل یومي ومكرسلا دوام.

٣- الملیكاتي: متل المطبلاتي. بلیك لمصلحتو الخاصة، لما یكون عایز شي، بدو شي من التاني. هیدا بس تتحقق غایتو أو یبطل مستفید بیختفي )مع السلامة…(.

٤- القرطة أو البوطة: ضمن المجموعة الكبیرة، هني مجموعة أزغر بتلیك لبعضا بشكل ثابت ومنظم. ما بخونوا العهد. بیجمعن شغل واحد، هوایة وحدي، انتماء اجتماعي، دیني أو سیاسي واحد أو أي اهتمام مشترك تاني. بیتضامنوا مع بعض بالغریزة والإحساس وبیستفقدوا الغایب لما یغیب وبیسهروا عالمریض لحد ما یصح…

٥- الرییاكتیف: إنسان عاطفي، ما بیستحي بمشاعرو وبیطلقا بحریة. بحط لایك طبعا، بس أغلب الأحیان بیضحك عصوت عالي، بحب بقلب كبیر، بیغضب أوبیتفاجأ وبیفتح عیونو هلأد.

٦- المعلق: وهني نوعین: سلبي وإیجابي: الأولاني بقول إشیا مش لذیذة للناس، بضل هاجم كل الوقت، بنمر وبیتمسخر. التاني: مسایرجي، حبیب، بویس، بشجع وبوزع ذبذبات إیجابیة.

٧- اللابس طاقیة الإخفى: مش موجود بس موجود. بشوفنا وما منشوفوا. بتابع أخبارنا وما منعرف عنو شي. بیاخد وما بیعطي. هیك كراكتیرو وما حدا إلو معو شي طول مانو مقرب صوب حدا.

٨- المش موجود أبدا: فتح الحساب وفل.

٩- صاحب صورة البروفایل الما بتتغیر أبدا: وعادة بتكون صورة الهویة مع الخلقیة البیضا، أو تبع الباسبور وبیظهروا فیا الدینین بشكل واضح.

١٠- صاحب صورة البروفایل یلي بتتغیر عطول: جمالووووو!

١١– تبع "لقد تقرصن حسابي": هیدا بخاف إحكي عنو. مشموس وبیشمسني.

١٢- یلي بینقل یومیاتو: بتتراوح بین شوي، وسط وكتیر . في یكون ثقیل، عادي أو مهضوم. عم نحكي عن حب وهجر، حمل وولادة وولاد، ضهرات، فوتات عالمستشفى، أعیاد میلاد، عزوات، غدوات وعشوات، سفر ونشر غسیل.

١٣- یلي بروج لفكر أو مبدأ: منن ملهمین وأبطال ومنن ما بیتمتعوا بالحجة والكاریزما الكافیة لیكونوا مؤثرین.

١٤- یلي بیعرض شغلو مشغلتو: شعر )بالكسرة(، شعر )بالفتحة(، رسم، ضافیر، قوالب غاتو، كروشیه، قناني محولة لتریات وتیاب وغراض قدیمة ومعاد تدویرا لتصیر غیر شي، لحمة، سمك، لایف كوتش و فاشینیستا وعربیة علیها كوسى.

١٥- الصیادي: عم فتشوا عصاحب/صاحبة، عروس/عریس… )ومش غلط( أو المتحرشین )االله ینجینا!(.

هول بشكل موجز وسریع الشخصیات الفایسبوكیة. الحصر صعب أكید. یمكن مستحیل! كمان الشخصیات ما بتجي أبدا معلبة متل بهاللیستا، وكل واحد في یجمع بین تنین أو أكتر من الخصائص المذكورة أو المش مذكورة. الإحتمالات والكومبینایشنز بیناتن ما بتخلص.