٧ شخصيات بتشوفها بالبحور بلبنان

اللبناني إنسان كتير مهضوم وفريد من نوعه، وما في مكان موجود بقلبه مزيج من الناس العشوائي أكتر من البحر بلبنان. شوفوا معنا أنواع العالم عالبحر:

١. التانت يللي عم تتشمس

التشميس نوع من ديانة لهل مدامات، والعمر أكيد ما حيوقفن من الاهتمام بكل شبر من أجسامن.

٢. يللي جايين يتصورا وبس

ما بينزلو عالبحر أكيد، لأنو لازم يكون شكلن مثالي للصورة. الله يعين أصحابن يللي مجبورين ياخدوا الصور.

٣. يللي مفكر حالو ماتر ناجور

هل شخص كتير حيحكي عن نصائح عن قناديل البحر واشيا تانية ما بتهمكن.

٤. يللي عم يسكر عالساعة ١٠ صبح

هيدول عايشين حياتن!

٥. غروب القيل والقال

السجائر بالإيد، والحكي على تمن، هول العالم بروحوا عالبحر لسبب واحد وسبب واحد بس، ليشربوا البيرة، يدخنوا كم علبة، ويحكوا عن العالم.

٦. العائلة يللي ما بتسكت

الولاد عم يبكوا والأهل عم يتخانقوا، وإنتوا يا معترين يللي جايين تنبسطوا عالبحر حتطلعوا مع وجع راس.

٧. الدي جاي

مين خبروا إنو كلنا عالبحر عبالنا نسمع علي الديك؟