٧ حكايات الجد اللبناني بخبرن لأحفاده

الجد اللبناني والحكايات الطويلة بيجو مع بعد. وعلى الرغم من كونها مصدر للحكمة والمعرفة الهائلة، إلا إنو في بعض القصص المشتركة ما معقول إنو تكون صايرة مع كل جدو بلبنان، أو بركي مظبوط؟ شوفوا معنا إذا هل خبريات قطعوا عليكن:

١. مرة إجتمع ب- فيروز.

إذا كان كل جد لبناني التقى فيها، فكيف كان عندا وقت تغني؟

٢. كان منقذ الضيعة بإيامو.

جدك كان بطل مجهول بضيعته: بحماية الضيعة من الجنود الفرنسيين أو من الجفاف يللي كان مسيطر قبل ما لاقى النبع المحلي. سوبر مان زمانو!

٣. كيف سحر التيتا.

"كل البنات كان بدن ياني، ستك أول ما شافتني نغرمت فيي عطول."

٤. أقارب ضايعين.

بكل عائلة لبنانية، دائماً في قريب مفقود بالخارج، وجدك لازم يفتش علين على الإنترنت وبعصب عليك وقتا ما يلاقي شي عغوغل.

٥. إيام العز.

لو شو ما كان المستوى الاجتماعي الاقتصادي يللي بتنتمي إليه عائلتك، جدك أكيد بيحكي عن "إيام العز وقتا كانو يلعبو بالمصاري لعب". تفاصيل من وين إجت هل ثروة أو كيف راحت بتتغير بين حكاية وحكاية، بس الكنز المفقود هو أهم نقطة بحكايات الجد اللبناني.

٦. وقتا مرة كان بالجريدة.

ما بيتذكر وين حطا لجريدة، بس كانت موجودة وكان عليها صورتو.

٧. خبرية الخطف.

هل موضوع متكرر بجميع قصص الأجداد اللبنانيين، سواء كان بالحرب الأهلية أو بالخارج، الأكشن ما بوقف!