إختيار فيلم للمخرجة اللبنانية نادين لبكي ليتنافس في مهرجان كان السينمائي ٢٠١٨

تم إختيار فيلم المخرجة اللبنانية نادين لبكي “كابارناوم” رسمياً للتنافس على جائزة فيلم “بالم دور” في مهرجان كان السينمائي السنوي الحادي والأربعين يللي حيصير من ٨ إلى ١٩ مايو ٢٠١٨.الفيلم من إخراج لبكي وشاركت بكتابته ميشيل كسرواني، موازنة الفيلم وصلت للأربعة ملايين دولار وتم تصويره بلبنان. القصة بتتمركز بضيعة بالشرق الأوسط وبتتمحور حول طفل متمرد عالحياة يللي خلق فيا.

بيتميز مهرجان هيدي السنة بأكبر تمثيل لصانعي الأفلام الإناث بالتاريخ، ونحن كتير فخورون بأنو لبكي ضمن هيدي اللائحة المرموقة.

هيدي مش أول مرة لبكي بتحصل على تقدير عالمي، “كراميل” و”هلأ لوين؟” حصلوا على اعتراف دولي كمان. “هلأ لوين؟” نال جائزة إختيار الجمهور في مهرجان تورونتو و جائزة عالمية بمهرجان كان السينمائي في نفس العام ٢٠١١. تم ترشيح “كراميل” لجائزة الكاميرا الذهبية المرموقة بمهرجان كان السينمائي ٢٠٠٧. بس هيدي المرة الأولى يللي بتم فيا إختيار أحد أفلام لبكي لأعلى جائزة في المهرجان، وهي جائزة بالم دور.

ومن بين الفائزين البارزين بهيدي الجائزة ، أفلام متل “عازف البيانو” لصانع الأفلام بولانسكي بعام ٢٠٠٢، و”شجرة الحياة” بعام ٢٠١١، و”الخيال الرخيص” بعام ١٩٩٤.

شوفوا ردة فعل لبكي وقت تلقت خبر ترشيح فيلمها.

منتمنى حظ سعيد للبكي وفريقها يللي رفعوا إسم لبنان فوق. نحنا كتير فخورين فيكن!