كلمات تغيّر معانيها بلبنان

الكلمات المنتشرة بلبنان بمعنى تاني ما بتخلص… وكل مدة ممكن يظهر كلمات الجديدة. كرمال هالسبب حبيت أعمل جزء تاني للموضوع وعرّف عن كلمات جديدة. فيكن تقروا أول جزء هون. ١. فركناها المعنى الحقيقي: من فعل الفرك.. أي حف شيء معيّن بقوة بغاية التنظيف أو التلميع المعنى اللبناني الأول: مغادرة المكان المعنى اللبناني الثاني: الهروب من ورطة ٢. سلبي المعنى الحقيقي: عكس ايجابي المعنى اللبناني: مهضوم ٣. شك المعنى الحقيقي الأول: عملية النط قبل النزول بالمي المعنى الحقيقي الثاني: من مشاعر الانسان.. عملية تكذيب أو تشكيك بحقيقة معيّنة المعنى اللبناني: لمّا الشب يحاول يتقرّب من بنت. ٤. قطف: المعنى الحقيقي: عملية قطف الفواكي والخضار من الحقل المعنى اللبناني: لمّا نفس الشب يمشي حالو بمحاولة التقرّب من البنت ٥. سحلب المعني الحقيقي: نوع من أنواع الحلو العربي المعنى اللبناني: الهروب أو الدخول على مكان معيّن بالسر