٨ اشيا بتسمعيها من عيلتك لما تكوني عزبة

مابهم قديش عمرك أو من أية منطقة بلبنان انت، إذا إنت مرأة عزبة بلبنان، أكيد بتعرفي هول التعابير.  

١. يالله نفرح منك تتفتحي بيتك 

لأن مستحيل تطلعي من البيت إلا إذا تزوجتي، متل مابقولوا، بتطلعي بالأبيض: يا بفستان العرس، يا بالكفن.    

٢. ايمتن بدك تجبيلنا أحفاد؟ 

مش بس قرروا انك لح تتزوجي، بس كمان لازم تجيبي ولاد لأن هدفك الوحيد بالحياة هو إنو تجيبي أحفاد لأهلك.    

٣. هي سنة الحياة 

أوعى يكون عندك أهداف أو أحلام برى الزاوج، لأن بتكوني عمتتحدي “فطرة الانسان”.    

٤. عقبالك  

واحد من أهم الأسباب لأنك تقفي كل القعدات العائلية هو إنو مابدك تسمعي هل جملة بقى.    

٥. بعد ما مشي الحال؟ 

لأن بلا متتجوزة ماعندك ولا هدف بالحياة.    

٦. قديش صار عمرك؟ 

هيدا السؤال اللي بينسأل بس مايكون بدهن يقولوا عانس.    

٧. لاقيلنا شي عريس من ديننا 

لأن هدفك بالحياة انك تلاقي رجال.    

٨. بكرا بتضعفي أو بتنصحي أو بتحلوة بشي طريقة وبيجيك أحلى عريس 

الحق عليكي إنو منك مجوزه!!