٥ مسلسلات مدبلجة ربينا عليها بلبنان

اللبنانية بيتعرفوا على حضارات كتيرة بسبب عدد الناس الموجود بهل بلد، بس أول مصدر لحضارة مختلفه كان ال-TV، محل ما كنا كلنا نحضر هول المسلسلات المترجمة.

١. روزاليندا  

تمثيل ثاليا، كان هيدا المسلل المكسيكي بتابع قصة روزاليندا اللي بتتعرف على فرناندو هي وعمتبيع ورود بالشارع، بتتجوزو، وبجيبوا ولد سوا. بعدين إمو بتنزع كل شي.

٢. ماريا مرسيدس 

هيدا المسلسل المكسيكي قصة غريبة، بس أهم جزء منو كانوا شعراتها لماريا. القصة كانت عن ماريا، بنت بتهتم باخوتها الصغار رغم فقرن، وبتتعرف على رجال غني وبيتجوزو كرمال هو يضايق عيلتو، وبتضل عايشة هي مع العيلة بعد ما يموت. بعدين بتحب إبن خالتو اللي مرتو ماتت بعرسن أو شي هيك. صراحة ماحدا كان كتير فاهمان شو عمبيصير.

٣. جوليانا 

مسلسل برازيلي عن حب جوليانا وماتيو، مهاجرين إطالين إلتقوا بقارب نقلهن من إيطاليا على البرازيل محل ما بيفترقو وبتبلش جوليانا تحب مارك انتوني. وكمان كانوا البرازيلية يخافوا من القرضي شوكي، مابعرف ليش.

٤. جاد  

مسلسل كمان برازيلي عن قصة حب بتجمع جاد، بنت مسلمة، ولوكاس.  جاد بتنتقل على المغرب وبتتجوز سعيد وبتجيب بنت صغيره، بعدن بترجع بتشوف لوكاس. كانو ديماً عمببوسو بعض وهي ترجع تهرب عل بيت. وكان في شخصيية اسمها المرا اللهلوبة كانت بالسيرك؟؟ 

٥. كساندرا  

هيدا المسلسل من فنزويلا، كان عن مرا غجرية بالسيرك بتتعرف على رجل غني وبتتجوزو، بس بموت أول يوم زاوج وبتصير العيلة بدها تتهم كساندرا، فبينتحل شخصيته خيو التوم كرمال يمتحنها و يشوف إذا هي اللي قتلتو.