٢٢ نوع من الناس رح تتلاقى فيهن عل طيارة من لبنان

ن أول ٥ دقايق بتقضيها عبوابة المطار الدولي لتسافر علبنان، رح تحس حالك بمسلسل لبناني. رح تقعد بطيارة مع ناس كنت عم تهرب منن تحت عالبوابة. هولي هني أنواع الناس لرح تتلاقى فيهن عأي رحلة علبنان أو من لبنان.

١.  لعم يشرب

عم يشرب ريد لايبل متل كأنه ذهب.

٢. لبيفتح أحاديث

“أنت لبناني/ة”؟

٣. لبكون عم يحضر فيديو الMEA ومستغرب
٤. التيتا لبتحكي كتير

رح تضل تحاول تلفت انتباهك بس أنت بتكون حاطت الايرفونز وعم تتمنّى ما تحكيك. بس بالاخر رح تضعف وتطلّع فيها وتحس بالذنب. وبعدين رح تضطر تتحمّل 4 ساعات من الحكي عن الايمان بالحياة وعن قدي مهم وجود التيتا بالحياة. ورح تعزمك عالغدا ببيتا بالجبل وأنت رح تقلا إنو جايي عالأكيد.

٥. المجوّزين الزنخين

اللحظة الوحيدة لبيتركوا فيها ايدين بعض وما بكونو نايمين عنفس التكاية هي لمّا يفوتوا عالتواليت.

٦. لبكون جايب معو كل محل مكسرات الرفاعي

في يطعمي فيهن ضيعة كاملة.

٧. لبكون بيعرف الطيار

بكون بيقرب خي جوز بنت عمة بيو. وبقلّك بقربو عنجد.

٨. لما بهمو كل القواعد بالطيارة

أي، عم تشوف مزبوط. عم ينزّل صورة عالانستغرام وهو على ارتفاع 30000 قدم بالهوا.

٩. لببلّش يفتح الشنط من قبل ما تنزل الطيارة

دغري بيمنعوه المضيفين أول ما يشوفوه

١٠. لبجنّن المضيفين

“سوري، بليز بدي كمان مكسرات”!

١١. لبكون عم يصلّي طول الوقت

مين قلّك إنو ضروري تعمل هيك؟

١٢. لبياكل بالطيارة

هيدا لبجيب علبة فيها فاصوليا وبتطلع ريحة التوم بكل الطيارة وبيضطروا لقاعدين والمضيفين يتحملوها طول الطريق.

١٣. المجوزين لابنن ما بيسكت

وبيطلّعو فيك هني وعم يقلولك سوري ورح يبكو. بسيطة، حاسين بتعبكن.

١٤. الشب لدغري بينعرف إنو هيدي أول مرة بروح بسفرة شغل

بدلة، وشنطة فاضية، وساعة رولكس أكيد!

١٥. المدمن عسوق الحرة

هالشخص هو الوحيد لبيطلب إنو يشتري من عرباية السوق الحرة. وبيجبر المضيفين يجو لعندو كل شوي. ما بكون معو كاش، فبجرب يدفع عالبطاقة، بس ما بتشتغل، فببطّل في يشتري شي.

١٦. لبتكون هيدي أول رحلة إلو بالطيارة

بضل خيفان ومرعوب

١٧. لبكونو عاملين هانغ اوفر

ما بتفرق معن إذا وقعت الطيارة لأن أصلا هني مش واعيين. ما تغلبط بين لبكون مش نايم من السهرة بالنهار لقبلو، بس الهانغ اوفر بعد ما بيّن عليه.

١٨. الولاد لبكونو برحلة مدرسة

عصاية السلفي وين ما كان

١٩. لتركو بعض هني ورايحين رحلة وانجبرو يتحملو بعض 5 ساعات عالطيارة

تركو بعض لأن خانا مع مرا تانية لمّا كانت بتواليت النايت.

٢٠. المغترب

اخر مرة اجا علبنان كانت بالحرب الأهلية. رح يقلّك كل شي بيعرفو عن التاريخ ورح يضل يحاول يقنعك قدي هو بحب لبنان وبحسو وطنو.

٢١. لبكون ميّت عسيجارة

بضل يجرّب يقنع المضيفين بإنو يرجع لورا ويدخّن بسرعة وإنو ما حدا رح يعرف.

٢٢. وأكيد ما بدنا ننسى، لبزقّف

ما كان عارف إنو رح تنزل الطيارة؟