١٧ شغله بتنقال بالرجعة من كل عرس لبناني

بعد كل عرس لبناني، مافي شي أحلى من حديث السيارة بالرجعة بس الكل يطرح رأيو. 

١. لش هلقد كان في عالم؟

يا أما قصدن إنو كان في كتير عالم (يعني عمبشوفوا حالن علينا)، أو كانو كتير قلال (حرام شكلن معترين). 

٢. ما إشبو شي المحل

يعني إشبو كتير اشياء.

٣. لذيذه العروس/لذيذ العريس

حسب إذا بتقرب العريس أو العروس، بتفرق الملاحظة. عكل الأحول، بس يكون حدة “لذيذ” يعني ما طاقوا. 

٤. معقول بوفيه؟

بضلن عميحكو عن الموضوع لعشرين دقيقة عالقليلة، ويقولوا كيف بكون أحسن لو بيجي الأكل لعندن بدل ما هني يروحوا يقافوا بالصف. 

٥. معقول أكل علقاعد؟

كمان بضلن يحكو عن الموضوع لعشرين دقيقة، ويقولوا إنو مسترخصين.

٦. فستانها كيوت

فستان العرس معقول يكون حلو أو بشع، بس شو يعني كيوت؟

٧. شكلن ماكتير بحبوا بعض

هنه ببلشوا المراهنات على قديش لحيضلوا سوى.

٨. إم العروس ماكتير مبينة مبسوطة

لحتضل تطلع نظريات عن أسباب قلبة الوج لأشهر.

٩. مكان فيهن يدفعوا بعد شوي علأكل؟

ولو؟

١٠. السوفينير ما علي القيمة

مين طلب رأيك؟

١١. الديكور مثل عرس فلان

كل الأعراس اللي قبل بيشبهو بعد صارو.

١٢. بتعرفوا إنو اختها بعدها عزبة؟

شو هل مأسة؟

١٣. معقول كل الأغاني عربي؟

لأن العرس لازم يكون على زوق الضيوف.

١٤. معقول كل الأغاني إنجليزي؟

عرسن مش عرسكن…

١٥. قديش حطيتو بالليست؟ 

جاوب إنت بالاخير كرمال تقول أعلى رقم.

١٦. شفتو مع مين رقص شادي؟

يا شو عيب…

١٧. معقول قديش شربت ريتا؟

عنجد عيب…