١٠ مطاعم بلبنان لازم تزورها

منن قديم ومنن فتح بوابو من فترة بسيطة وقدر يصنع اسم لامع، منقدملكن أفخر ١٠ مطاعم بيروتية.

١. كازابلانكا:

هوي بيت أثري مطل على الكورنيش. من أفضل المطاعم بالمدينة والمكان المثالي للمواعدة. بقدم تشكيلة غنية من المقبلات العالمية والكوكتيلات المعروفة ضمن إنارة خافتة وأجواء جميلة بتخليكن تحسوا بشحنة حيوية من الطاقة.

٢. ذي هابي برنس:

الأكل هون بيغمركن بالسعادة! بيشتهر هالمحل بالتشيز برغر وبقدمها مع أطيب بطاطا مقلية ممكن تدقوها بكل ببيروت.

٣. إم شريف:

مطعم لبناني، تحول بالفترة الأخيرة للأشهر ببيروت بتقديم أطباق المطبخ المحلي التقليدي. إم شريف شوي غالي، بس كونوا أكيدين إنو هون بيستخدموا أجود المكونات الطازة لتحضير وصفات سرّية ما بتتفوت.

٤. بارون:

من المطاعم الجديدة، وجوهرة من جواهر شارع مار مخايل. بارون بيشتهر بالريش الطرية المشوية. كل صنف ضمن لائحة بارون مختلف ومميز وتجربة الاكتشاف جديد بعالم الطعام.

٥. أوننو:

إذا بتحبوا الأكل الأرمني، أوننو هوي أفضل مكان ممكن تقصدوا. بالفرعين، ببداروا والحمرا، أوننو بحضر الوصفات الأرمنية عأصولا. الزباين بيجوا خصوصي ليطلبوا الدولما، وإذا بتدوقوا مرة وحدي البطاطا الحرة، أكيد رح ترجعوا مرة تانية.

٦. كامباي:

بوسط المدينة، كامباي الوحيد وبدون منافس رح يرضي شغفكن بالسوشي. هوي مصنف من بين أوائل المطاعم المتخصصة بالمطبخ الآسيوي. مننصحكن تبدوا وجبتكن بالسومون المقرمش وسلطة التونا. أما من بين الأطباق الرئيسية، فسمك القد بياخدكن لعالم رائع من النكهات الغنية واللذيذة.

٧. كوكلي:

بحضر كوكلي أطباق المطبخ الفرنسي المعروفة بدون ولا غلطة. الأنتروكوت الممتاز سبب أساسي لتزوروا هالمطعم. فيكن كمان تستفيدوا من العرض يلي بيتقدم كل نهار تنين، وتطلبوا صحنين ستيك وبطاطا وقنينة نبيد وحصة بان بيردو للتحلية بعد الوجبة بسعر ٨٩،٠٠٠ ل. ل. بس.

٨. مكان:

“مكان” عبارة عن بيت قديم بقلب مار مخايل النابض. هون، الطعام الشهي فن عالمي. كل أسبوع بيتغيروا الطهاة وبيجوا من بلد مختلف حتى يقدموا للضيوف أطباق من تايليند، أثيوبيا، إيران واليابان. الأطباق بترجعكن لجذور البلد الأصلي والقيمين عالمحل بلاقون بدفا وترحاب. سعر وجبتكن إنتو بتحددوا حسب قديش برأيكن بتستاهل هالتجربة.

٩. إيست فيلدج:

شوي مختلف عن غيرو. بيتميز بالبرغر الغني واللذيذ، سلطة التونا الرائعة وبطاطا المقلية بنكهة الكمى، إيست فليلدج ما بيتوفوت ببدارو. مش بس الأكل طيب هون، المشروبات كمان معدة بأفضل الطرق. تعوا تعشوا بهالحي الأول بعالم المطاعم والسهر ببيروت وارجعوا رواحوا قضوا وقت ممتع ببار قريب من بين عدة أسماء مشهورة.

١٠. ماريو إي ماريو:

بيمبسطوا فيه كتير عشاق المطبخ الإيطالي. الباستا بتتحضر طازة والبيتزا قدام عيونكن. رح تتشهوا عالأطباق بمجرد ما تتلطعوا عليا وقبل حتى ما تدوقوها. مننصحن بالإسكالوب كوجبة رئيسية من بين خيارات متنوعة كتيرة.

ترجمة: رنا قاروط