٨ مطاعم لازم تجربوها بطرابلس

مشهد طرابلس رائع، سكانا طيبين ودودين وثقافاتا متعددة. كمان فيا مجموعة مطاعم متنوعة وقادرة ترضي الأذواق. تعوا لنتعرف على كم واحد منن مننصحكن تجربوهن مرة الجاي، لما تزوروا الشمال.

١- بونتو ألتو

قبل ما تفوتوا عطرابلس، عمدخلا اليمين، فيكن تشوفوا هالمطعم يلي تأسس سنة ١٩٩٠ وبتديروا عيلة. جوا، ومع السقوفة المزينة برسوم يدوية، رح تستمتعوا بتجربة إيطالية حقيقية. طلبوا تقعدوا حد الشباك لتمتعوا نظركن بالبحر الرائع. الأكل طيب، كمان الحصص كريمة.

مننصحكن تجربوا طبق الشهي الفيتوتشيني ألفريدو مع الفطر المميز.

تورتيلليني غنية بالكريما مع الدجاج والفطر.

الدجاج والجبنة، من أطباقنا المفضلة كمان.

عن جديد، افتتح المطعم قهوة عالسطح بتقدم ألذّ حلويات.

٢- رصيف

بيتميز هالمحل بطابع عصري وسط لمسات خضرا وساحرة. فيكن تاخدوا وجبة سريعة، تقعدوا تتغدوا، أو تستفيدوا من جو الرواق وتاخدوا معكن اللابتوب لتخلصوا شوية شغل. قائمة الطعام متنوعة وطويلة: أنواع مختلفة من السلطة، من البرغر والسندويش، أصناف عديدة بتتقدم على طبلية خشب، حلو ومشروبات.

سندويش الحبش مع جنة البري بياخد العقل!

الترويقة الكاملة سفرة زغيرة وشهية

من بين أنواع السلطة، بختار عطول سلطة الأفوكا المنعشة.

٣- بيتنا

ما حدا بطرابلس بيعرف يحضّر المازة والمشاوي متل مطعم بيتنا! الكبة النيّة والمشويّة وأصناف تانية عريقة رح يخلوكن “تعيدوها” بأقرب فرصة. الأجواء عائلية وبيستقبلوكن بالترحيب.

عبالك تعمل حفلة بطرابلس؟ ما إلك إلا بيتنا.

٤- اونا بيتزا

هالمحل يلي فتح بس من أربع سنين نال شهرة حول المدينة وفرّح لكتار. هوي بقدم النابوليتانا الأصلية ضمن أطباق إيطالية منوعة. الفرن برّا بيسمح للضيف يشاهد عملية التحضير بشغف.

نحنا منحب بيتزا عبتنجان وكوسى. إنتو شو بتفضلوا؟

التاغلياتيل بالسومون كتير طيب!

المطعم ما بكون إيطالي أصلي بدون كالزون.

فينا نقول عن البيتزا بالكمى إنّا بتوقف القلب.

٥- سيلفير شور

تأسس عالشط سنة ١٩٤٦. بقدم أطيب المأكلات البحرية يلي فيكن تدوقوها قدام أجمل منظر للجزر القريبة من المينا. برز المطعم من أجيال وبعدو لهلأ محافظ عشهرتو رغم المنافسة القوية بالمنطقة.

٦- الدنّون

فيك تسأل أي طرابلسي عن هالمحل. رح يعددلك كل أصنافو، أسماء العاملين فيه، ويقلك شو لون البلاط كمان. المالكين تناقلو مهنتن أباً عن جد وبرعوا بفن الترويقة التقليدية. لما يكون طالع عبالك فتّة أو فول، ما إلك إلا الدنون. هيدا أول محل بوقف عليه لما أوصل عطرابلس الأحد الصبح!

٧- عبد الرحمن الحلّاب

ما فينا نقول شي قدّام هالإسم الكبير. إذا بعدك مش دايق المفروكة عند الحلّاب، اعتبر حالك مش زاير طرابلس بعد. فيني كون مش من هواة الحلو العربي، بس بهالمحل بنهار.

٨- أهواك – بن طافش

بعد زيارة أي واحد من هالمطاعم، فنجان القهوة ببن طافش ضروري.

ترجمة: رنا قاروط