أجمل 7 أوتيلات صغيره بلبنان

للي عبالو يقضي نهاية الاسبوع بمحل جديد، هاي البعض من أوتيلاتنا المهضومه المفضلة بلبنان!

١- دار كاميليا:

دارعلما بحلتو الجديدة . جوهرة شط صورالمخفية. الواحة الهادية يلي فيكن تقصدوها لتسترخوا بنهاية الاسبوع، لما جد بدكن تهربوا من عجقة وتلوث المدينة.

فيكن تتخايلوا حالكن عم توعوا عهالمشهد

…وترجعوا بعدين تروحوا تمددوا بالشمس فوق هالقطعة من الجنة.

٢- بيت دوما:

بيتميز هالبوتيك – أوتيل بالشمال بموقعو الجذّاب

بطل عضيعة بعدا محافظة عالأصالة…وكل صبح بانتظاركن أشهى ترويقة لبنانية ممكن تتخيلوها.

هون بيجتمعوا أجمل شغلتين بالشمال: حلا المغيب وبرود المسا .

٣- “أو” مونو :

من فوق عالسطح فيكن تتأملوا أحلا منظر لبيروت. تأكدوا كمان إنو فيك تستمتعوا بأطيب الوجبات الخفيفة حد البيسين.

٤- تشيري بلوسم:

بتعيشوا بهالبوتيك – أوتيل وسط جنيينة واسعة من المزروعات الفريدة. مكان بياخدكن على عالم كلو سحر متل بالقصص.

فيكن تتغدوا برا عالتراس وتتمتعوا بقدر كبير من السكينة والهدوء.

٥- أوتيل ألبيرجو:

بدكن تستمتعو براحة وإسترخاء؟ ما إلكن إلا ألبيرجو. من خلالو بتسافروا بالزمن، بترجعوا علبنان ١٩٣٠، إيام ما كنت الإشيا تمشي عالهدا الهدا وبرواق.

٦- أوتيل ألف:

موجود بجبيل، من أقدم المدن بالتاريخ. بـ “ألف” بتلاقوا بخدمتكن كل الوسائل لتدللوا حالكن ضمن ديكور راقي وأنيق.

ألوان ناعمة وجو هادي بخلوكن تشعر براحة عميقة.

٧- أوتيل باي لودج:

عم تحلموا برحلة رومنسية؟ باي لودج بأجنحتوا الـ 15 هوي المكان المثالي بدون شك. هربوا لهونيك مع حدا كتير بتحبوا وعيشوا فترة ما بتنسا.

مطل على خليج جونية الرائع!

وشو يعني رومنسية بدون حمام دافي متل هيدا؟

ترجمة: رنا قاروط